បុណ្យកឋិនទានសាមគ្គីវត្តបទុមវតី
យើងខ្ញុំទាំងអស់គ្នា ជាអាចារ្យ គណៈកម្មការ អាចារ្យ និងពុទ្ធបរិស័ទ នៅរាជាធានីភ្នំពេញបានមូលមតិគ្នាជាឯកច្ឆន្ទ ផ្តួចផ្តើមធ្វើពិធីបុណ្យកឋិនទានសាមគ្គីមួយ ដើម្បីវេរប្រគេនព្រះសង្ឃដែលគង់ចាំព្រះវស្សាអស់កាលត្រីមាស ក្នុងពទ្ធសីមាវត្តបទុមវតី សង្កាត់ចតុមុខ ខណ្ឌដូនពេញ រាជធានីភ្នំពេញ។
អាស្រ័យដូចបានប្រគេន និងជម្រាបជូនខាងលើនេះ សូមយាង និមន្ត និងអញ្ជើញ សម្តេច ព្រះតេជគុណ ទ្រង់ ឯកឧត្តម ឧកញ្ញ៉ លោកជំទាវ លោក លោកស្រី អ្នកនាងកញ្ញា មេត្តាចូលរួមចាប់មគ្គផល និងអនុមោទនាយកផល្លានិសង្ឃរៀងៗខ្លួន។
កម្មវិធីបុណ្យ
ថ្ងៃ១៥កើត ខែអស្សុជ ឆ្នាំមមែ សប្តស័ក ព.ស២៥៥៩ ត្រូវនឹងថ្ងៃអង្គារ ទី២៧ ខែតុលា ឆ្នាំ២០១៥
វេលាម៉ោង ២ៈ៣០ នាទីរសៀល ជួបជុំពុទ្ធបរិស័ទលើព្រះវិហារ វត្តបទុមវតី នមស្ការព្រះរតនត្រៃ សមាទានសីល និមន្តព្រះសង្ឃចម្រើនព្រះបរិត្ត និងសម្តែងធម៌ទេសនា។ លុះព្រឹកឡើង ថ្ងៃពុធ០១រោច ត្រូវនិងថ្ងៃទី២៨ ខែឆ្នាំដដែល វេលាម៉ោង ៨ៈ០០ព្រឹក ជួបជុំពុទ្ធបរិស័ទជិតឆ្ងាយទាំងអស់ ដើម្បីរៀបចំដង្ហែអង្គកឋិនទានប្រទក្សិណព្រះវិហារ បន្ទាប់មកវេរអង្គកឋិនទានប្រគេនចំពោះព្រះភិក្ខុសង្ឃ ក្រាលគ្រងជាកិច្ចបញ្ចប់នៃកម្មវិធីបុណ្យ។
អ្នកផ្តើមបុណ្យ
គណៈកម្មការទ្រទ្រង់បណ្ណាល័យ អ្នកឧកញ៉ាមហាភក្តីសប្បុរិសភោគាធិបតី ហ៊ុន នាង
គណៈកម្មការអាចារ្យ និងពុទ្ធបរិស័ទ ចំណុះជើងវត្តបទុមវតីទាំងអស់