បុណ្យបញ្ចុះបឋមសិលា វត្តត្នោត

               ខ្ញុំព្រះករុណា អាត្មាភាព និងអាចារ្យគណៈកម្មការ  ចំណុះជើងវត្ត វត្តពោធិរតនារាម​(ត្នោត) ភូមិត្នោត ភូមិព្រៃមាស ឃុំកំពង់ឬស្សី ស្រុកពោធិ៍រៀង​ ខេត្តព្រៃវែង បានមូលមតិគ្នាជាឯកច្ឆន្ទផ្តើម​ធ្វើ     បុណ្យបញ្ចុះបឋមសិលានិងបុណ្យផ្កាសាមគ្គី ដើម្បីសុំទឹកដីជយ័ភូមិទីកន្លែង កសាងឧបដ្ឋាន សាលា​អំពីបេតុង​​ ដែលមានបណ្តោយ៣២ម៉ែត្រ និងទទឹង២០ម៉ែត្រ។​                          ​                                                  អាស្រ័យហេតុនេះ ខ្ញុំ​ព្រះករុណា ​យើងខ្ញុំសូម​​និមន្ត យាង អញ្ជើញ ​​​​ សម្តេច ទ្រង់ ឯកឧត្តម លោកជំទាវ អ្នកឧកញ៉ា លោក ​​លោកស្រី ពុទ្ធបរិស័ទគ្រប់មជ្ឈដ្ឋា​នចូល​រួម​ក្នុងកម្ម​វិធី​បុណ្យនេះ និង​​អនុមោទនា​ កុសល​ផល​បុណ្យ​តាមកម្លាំង​​​សទ្ធាជ្រះថ្លារៀងៗអង្គ និងរៀងៗខ្លួន។

   កម្មវិធីបុណ្យ

ថ្ងៃអង្គារ៍ ១២កើត ខែមិគសិរ ​ ឆ្នាំមមែ សប្តស័ក ​​ព.ស២៥៥៩ ត្រូវនឹងថ្ងៃ​​ទី២២ ខែធ្នូ​ គ.ស២០១៥  »ពេលម៉ោង០៨:០០ព្រឹកជួបជុំពុទ្ធបរិស័ទគ្រប់មជ្ឈដ្ឋានម៉ោង១១:០០ថ្ងៃត្រង់ប្រគេនចង្ហាន់ព្រះសង្ឃ

ម៉ោង០៣:០០រសៀលជួបជុំពុទ្ធបរិស័ទរៀបចំពិធីក្រុងពាលីនិងពិធីបញ្ចុះបឋមសិលាបន្ទាប់មកធ្វើ   បទនមស្ការព្រះរតនត្រៃ និមន្តព្រះសង្ឃ​ចម្រើន​ព្រះបរិត្ត និងសម្តែងព្រះធម៌ទេសនា ។លុះព្រឹកឡើងថ្ងៃពុធ១៣កើត ត្រូវនឹងថ្ងៃទី២៣ ខែឆ្នាំដដែលម៉ោង៦:៣០ព្រឹកប្រគេន​យាគូ​ដល់ព្រះសង្ឃ។»ម៉ោង១០:០០ថ្ងៃត្រង់វេរអង្គផ្កា និងភត្តាហារប្រគេនព្រះសង្ឃ​និងចាប់​ផ្តើមដំណើ​ការសា​ងសង់តទៅ ។